გრამატიკა
მოქმედების მიზეზს ქართულში –გან, გამო თანდებულები
გამოხატავენ:
-გან: სიცივისაგან,
შიმშილისაგან, სიცხისაგან...
-ის
გამო:
სიცხის გამო, შიმშილის გამო, სიცივის გამო, ავადმყოფობის გამო...
–გან, გამო
თანდებულები დაერთვის ნათესაობითი ბრუნვის ფორმას: სიცხ–ის–გან; სიცხ–ის გამო... –გან უშუალოდ დაერთვის ნათესაობითი
ბრუნვის ფორმას; გამო თანდებული – ცალკე მდგომია...
მიზეზის გამოსახატავად ხშირად რთული წინადადების
კონსტრუქციის აგება ხდება საჭირო; მიზეზს კავშირი იმიტომ რომ გამოხატავს: იმიტომ რომ...
მაგ., სახლში იმიტომ წავედი, რომ გაკვეთილები
გაცდა.
მიზეზის გამომხატველ სიტყვებსა და კონსტრუქციებს
შემდეგი კითხვები დაესმის: რატომ? რის გამო? რა მიზეზით?
მიზნის გამოსახატავად გამოიყენება –თვის
თანდებულიანი ნათესაობითი ან ვითარებითი ბრუნვა:
-თვის: სწავლისთვის,
საჭმლისთვის, ტანსაცმლისთვის...
-ად, -დ: სათევზაოდ,
სათამაშოდ, მოსატანად, წასაყვანად...
ზოგჯერ მიზანი აღწერითად გამოიხატება: ...-ის მიზნით: ჯანმრთელობის დაცვის მიზნით, შესწავლის მიზნით, დათვალიერების მიზნით...
სავარჯიშოები:
დასვით სათანადო
კითხვა:
შიშისაგან ბავშვებმა
ტირილი დაიწყეს.
სიცხის გამო ყველა
შეწუხებული იყო.
დედას ავადმყოფობის
გამო სამი დღეა სკოლაში ვერ წავედი.
დავალება იმიტომ ვერ დავწერე, რომ ძნელი იყო.
- მოიძიეთ ტექსტში მიზეზისა და მიზნის გამომხატველი ფრაზები და ამოიწერეთ.
- ჩამოწერეთ საგზაო ნიშნების ჯგუფები.
- შეასრულეთ წერითი სავარჯიშო 46P1
-
შეასრულეთ წერითი სავარჯიშო46P2